( Far. V. Giacalone Stinco 1828-1895)
LU CACCIATURI-
Addiu, Carmela chiamanu
M’aspettanu l’amici
Una vasata speralu
Ritornirò felici.
Ieu partu ma lu cori
Lu cridi, a tia lu lassu
Nun suspirari un chianciri
Ti pensirò ogni passu
Ti portirò la turtula
La quagghia e la pirnici
Carmela ti preu lassami
Mi chiamanu l’amici.
Prumettu a to riguardu
Sparagnirò d’oceddu
Lu primu chi mi capita
Fussi chiù grossu e beddu
Carmela mia m’aspettanu
Già l’arba s’avvicina
Senti li gaddi cantanu
Riposa sta matina
Pirdunami chi voi
Su forti cacciatura
Un baciu senti, chiamanu
Conserva lu me amuri.