“A ME MATRI” -Farm. Vincenzo Giacalone Stinco-
Comu lu mari quannu ch’è burrasca
Cussì era ‘na jurnata la me testa
‘Na manu a l’occhi e l’autra ‘ntasca
Nun sacciu s’è simana o puru festa.
Me matri s’affacciava a la me menti
E dintra a lu me cori una timpesta
Turnaru a menti li pinseri e stenti
Quannu ‘mpuntu di morti a mia abrazzata
Muria o chista si sempri presenti
Minuti prima jeu l’avia chiamata
Ed idda accarizzannu la me facci,
E ci vasai la manu dilicata.