Poesie siciliane – Essennu nicareddu
Pensu comu fussi ora
Ch’essennu nicareddu
Mi misi ‘ncasa a curriri
E ruppi un mariteddu
La cinniri pri l’aria
Tutta la stanza allorda
Appena fu scupata
Mi rusicu la corda
Currennu pri davanti
Mi pigghiu un cantaranu
Di soccu c’era supira
Nenti mi resta sanu
Aspetta chi t’ociridi
Mè matri mi dicia:
Afferra un lignu e veni
Pri la vota di mia.
Scinnivi li scaluna
Satannu a cincu e sei
Idda vucia, paratilu
C’è dari l’oi mei
Pri sorti un c’era nuddu
Dda intra lu curtigghiu
Ma ‘na la strada scemu
Ncappai ‘nmanu a un nigghiu.
Mi stricu nterra e iunfatti
Chi ci arrivai a scappari
Tra vuci e parapigghia
Mi vinniru a parari
Ma fu ch’una pastara
‘Na coffa scutulannu,
Dda pruvuli ch’era fina
‘Nall’occhi m’ia tannu.
Comu nun vitti, subitu
Fu prisu e misu ‘ncoddu
St’anchi mi li ficiru
Ssu jornu duru e moddu.
C’è statu sempri dunca
Dintra lu me paisi
Pigghiarisi pinseri
D’autru comu ‘mpisi.
(Farm. V.Giacalone Stinco )